برطانوی شاہی محل میں موجود کل کمروں کی تعداد 775 ہے جن میں کئی بیڈ رومز اور دفاتر ہیں لیکن اس محل میں ایک خفیہ کمرہ بھی موجود ہے جس کے بارے میں کوئی نہیں جانتا۔

شاہی محل کا ٹی وہ لاؤنج جسے وائٹ روم کہا جاتا ہے اسے شاہی محل کا ڈرائنگ روم بھی سمجھا جاسکتا ہے، ملکہ محل میں آنے والے تمام مہمانوں سے اسی کمرے میں آکر ملتی ہیں۔

اس کمرے میں ایک کنگ سائز ڈریسنگ ٹیبل ہے جس پر شیشہ لگا ہے اس کے پاس بڑے بڑے سنہرے جھاڑ فانوس لگے ہیں اور اسی ڈریسنگ ٹیبل کے پیچھے ایک خفیہ دروازہ ہے۔

یہ دروازہ دراصل براہ راست ملکہ کے ذاتی کمرے کی جانب کھلتا ہے اور ملکہ آنے جانے کے لئے اسی دروازے کا استعمال کرتی ہیں تاکہ انہیں اور کسی راستے سے گزرنا نہ پڑے۔

 یہ خفیہ دروازہ کافی بھاری بھر کم ہے اور ملکہ آنے جانے کے لئے اسے اپنے ہاتھ سے کھولتی اور بند کرتی ہیں۔