آم کو پھلوں کا بادشاہ تصور کیا جاتا ہے کیونکہ یہ کھانے میں نہایت لذیذ،صحت بحش اور فائدے مند بھی ہوتا ہے۔

جس طرح قدرت نے ہر ایک شے میں کوئی نہ کوئی فائدہ رکھا ہے اسی طرح آم کھانے کے بھی بہت سے فوائد ہیں جن سے عام طور پر ہر انسان واقفیت نہیں رکھتا ہے

آم حاملہ خواتین کی صحت کے لیے بھی بے حد مفید ہے۔

ڈاکٹرز اکثر حاملہ خواتین کو وٹامن اور آئرن کے لیے گولیاں دیتے ہیں لیکن آم ان کی مقدار کو بڑھانے کی صلاحیت رکھتا ہے۔

آم میں چربی، کولیسٹرول اور سوڈیم کی مقدار بہت کم ہوتی ہے تاہم اس میں وٹامن بی 6 کے علاوہ وٹامن اے، وٹامن سی، وٹامن ای اور وٹامن  کی بھی اچھی مقدار موجود ہوتی ہے۔

طبی ماہرین کے مطابق آم میں پوٹاشیم، میگنیشیم اور تانبے کی بھی بہترین مقدار موجود ہوتی ہے۔

پھلوں کا بادشاہ ہائی بلڈ پریشر کے مریضوں کے لیے بھی انتہائی مفید ہے

حمل کے دوران آم کھانا فائدہ مند ہے یا نقصاندہ؟

حاملہ خواتین کو ہر لحاظ سے اپنا خیال رکھنا چاہئیے، کیونکہ ان کے ہر عمل، ہر کھائی جانے والی غذا سے بچہ متاثر ہوتا ہے۔

اب چونکہ آم کا موسم ہے اور اس کو دیکھ کر سب ہی کا دل چاہتا ہے کہ آم کھالیں۔

لیکن یہ بات بھی سننے میں آتی ہے کہ آم کھانا حاملہ خواتین کے لئے فائدہ مند نہیں ہے کیونکہ اس کی تاثیر گرم ہوتی ہے۔

اسی حوالے سے میڈیکل سائنس کیا کہتی ہے؟

٭ آم میں وٹامن ڈی 6 پایا جاتا ہے جوکہ بچے کی نشوونما اور بڑھنے کے لئے بہت ضروری ہے، ساتھ ہی حمل میں آسانیاں پیدا کرتا ہے جس سے ماں کی صحت بھی اچھی رہتی ہے۔

٭ اس میں وٹامن سی کی بڑی وافر مقدار پائی جاتی ہے جو کہ بچے اور ماں کی دونوں کی قوتِ مدافعت اور خوبصورتی کو بڑھانے میں مددگار ہوتا ہے۔

٭ اس پھل میں فائبر ہوتا ہے جو کہ دورانِ حمل قبض سے بچانے میں بڑامفید ثابت ہوسکتا ہے۔

٭اس میں فولک ایسڈ بھی پایا جاتا ہے جوکہ ابتدائی ماہ میں بچے کے دماغ کی نشوونما اور مضبوطی کے لئے بہت نمایاں اور کارآمد ہوتا ہے۔

٭ کیونکہ اس میں پوٹاشیئم پایا جاتا ہے جس کی وجہ سے بچے اور ماں کے جسم میں پانی کی کمی دور ہو سکتی ہے، اور جسم توانا رکھنے میں مدد دیتا ہے۔