نامور بھارتی گلوکار سدھو موسے والا کو قتل کرنے والے گینگسٹر نے انکشاف کیا ہے کہ نامور بالی ووڈ پروڈیوسر اور ہدایت کار کرن جوہر بھی ہماری ہٹ لسٹ پر تھے۔

بھارتی میڈیا رپورٹس کے مطابق سدھو کے قتل کی ذمے داری قبول کرنے والے گینگ کے سربراہ لارنس بشنوئی کے ساتھی نے دوران تفتیش انکشاف کیا کہ ان کی ٹیم کرن جوہر سے 5 کروڑ بھارتی روپے کا بھتہ وصول کرنے کا پلان بنا رہی تھی۔

رپورٹ میں بتایا گیا کہ لارنس بشنوئی سمیت گینگ کے 10 ملزمان گرفتار ہوچکے ہیں جن میں سے ایک گینگسٹر مہاکال نے پولیس تفتیش کے دوران کہا کہ کرن جوہر بھی ان کے نشانے پر تھے، قتل کی دھمکی دے کر کرن سے 5 کروڑ وصول کرنے کا منصوبہ تھا۔

پولیس کا اس حوالے سے کہنا ہے کہ گینگ کے دیگر کارندوں سے تفتیش کررہے ہیں جلد مکمل حقائق سامنے آئیں گے۔

واضح رہے کہ یہ گینگ بالی ووڈ کے ’دبنگ‘ سلمان خان کو بھی دھمکی آمیز خط لکھ چکے ہیں۔