پاکستان فلم انڈسٹری کی مقبول اور سوشل میڈیا پر ہر وقت زیر بحث رہنے والی اداکارہ میراجی نے انکشاف کیا کہ وہ آج کل بلوچی زبان سیکھ رہی ہیں۔

گزشتہ روز اداکارہ میرا نے پریس کانفرنس کرتے ہوئے کہا کہ کراچی جب بھی آتی ہوں پریس کلب ضرور آتی ہوں، میں خبریں بنانے نہیں آئی، میری فلم سوہنی ماہیوال کوروک دیا گیا، اس موقع پر ان کی آنکھوں سے آنسو بھی چھلک پڑے۔

میرا نے مزید کہا کہ ایک کردار کے لیے بلوچی زبان سیکھ رہی ہوں، ساتھ ہی ان کا کہنا تھا کہ لوگ میری عمر کے بارے میں بات کرتے ہیں، میرے بارے میں ہمیشہ خبریں بنتی ہیں، مجھے سب پیار دیتے ہیں، اب میرے بھائی بھی فلم انڈسٹری میں قدم رکھیں گے۔