کینیڈا سے ایک دلچسپ خبرآئی ہے کہ میوزک ٹیچر نے جب دیکھا کہ ایک بھاری بھرکم ریچھ اسکول کے پاس منڈلارہا ہے اور اندر گھسنا چاہ رہا ہے تو اس نے زور زور سےباجا بجاکر اسے دور بھگادیا۔

شونیگن جھیل کے کنارے واقع سینٹ جان اکیڈمی میں موسیقی کا درس دینے والے ٹریسٹان کلوزن نے دیکھا کہ لکڑی کی باڑ کے پاس ایک بڑا بھالو کچرے کے ڈبے کے پاس کچھ سونگھنے کی کوشش کررہا ہے۔ ریچھ کی حرکات و سکنات دیکھ کر گمان ہوا کہ یہ کسی بھی وقت اسکول میں آگھسے گا۔

اس موقع پر ایک اور استاد نے دروازہ بجاکر ریچھ کو باز رکھنا چاہا تو ٹریسٹان کوخیال آیا کیوں نہ اندر رکھا باجا زوردار انداز میں بجایا جائے۔ اس کے بعد انہوں ںے ہمت کرکے باجا سنبھالا اور زور سے بجایا تو ریچھ فوراً ہی وہاں سے رخصت ہوگیا۔

یہ تمام منظر ایک ویڈیو میں ریکارڈ ہوگیا اور یوں ویڈیو تیزی سے مقبول ہورہی ہے۔

اس موقع پر ٹریسٹان نے کہا کہ ریچھ کے تیور تھے کہ وہ اسکول کی جانب بڑھنا چاہتا ہے اور یوں ان کی اس بہادری کو بہت قدر کی نگاہ سے دیکھا گیا ہے۔ اس طرح ایک استاد بے بروقت کارروائی کرتے ہوئے ریچھ کو بھگادیا ۔