آسٹریلیا کے سابق کپتان مارک ٹیلر نے جو روٹ کی حمایت کی ہے کہ وہ سچن ٹنڈولکر کو پیچھے چھوڑ کر ٹیسٹ کرکٹ میں سب سے زیادہ رنز بنانے والے کھلاڑی بنیں۔

تفصیلات کے مطابق انگلینڈ کےبلے باز جو روٹ کے رنز ابھی بھی  بھارتی عظیم کھلاڑی سچن ٹنڈولکر کے اسکور سے تقریباً 6000 کم ہے۔

کرکٹ کی تاریخ میں سب سے زیادہ بین الاقوامی رنز بنانے کا ریکارڈ ٹنڈولکر کے پاس ہے جنہوں نے ٹیسٹ کیرئیر میں   15,921 رنز بنائے ہیں۔

مارک ٹیلر نے کہا کہ  جو روٹ کے پاس کم از کم پانچ سال باقی ہیں، اس لیے میرے خیال میں ٹنڈولکر کا ریکارڈ بہت قابل حصول ہے۔

سابق آسٹریلوی کپتان نے کہا کہ  روٹ اپنے کیرئیر کے ابتدائی دور میں ہیں، اس لیے اگر وہ صحت مند رہے تو ان کے لیے 15000 رنز بنانا آسان ہے۔

واضح رہے کہ اس سال انگلینڈ کی کپتانی سے دستبردار ہونے والے جو  روٹ اپنے سابق ساتھی الیسٹر کک کے بعد 10,000 ٹیسٹ رنز کا سنگ میل عبور کرنے والے انگلینڈ کے دوسرے کھلاڑی بن گئے۔