بھارتی  کپتان ہاردک پانڈیا نے آئرلینڈ کے خلاف  ٹی ٹوئنٹی  سیریز میں  فاسٹ بولر عمران ملک کے نروس ڈیبیو کے باوجود ان  کی حمایت کی ہے۔

عمران ملک، جنہوں  نے اس سال انڈین پریمیئر لیگ میں اپنی بولنگ سے سب کو متاثر کیا  اور  ٹورنامنٹ کی پانچ تیز ترین ڈیلیوریاں کیں جس میں 92 میل فی گھنٹہ (148 کلومیٹر فی گھنٹہ) کی رفتار بھی شامل ہے۔

پانڈیا نے کہا کہ جب آپ پہلی بار  بھارت کے لیے کھیلتے ہیں تو فخر ہوتا ہے، اور اس نے جو سفر طے کیا ہے، یہ ضروری ہے کہ ایسے بولر اور اس طرح کے ٹیلنٹ کو وقت دیا جائے۔

انہوں نے کہا کہ چاہے یہ اچھا دن تھا یا برا دن غیر متعلق ہے، اس کے لیےصرف  بھارت کے لیے کھیلنا خود ایک بہت بڑی چیز ہے، اور یہ وہ چیز ہے جس کے لیے میں بہت خوش ہوں۔

یہ بھی پڑھیں: ہاردک پانڈیا نے نوجوان آئرش بلے باز کے روشن مستقبل کی پیش گوئی کردی

ہارد پانڈیا نے کہا کہ میں عمران ملک کو اس لمحے سے لطف اندوز ہونے دینا چاہتا ہوں کیونکہ یہ لمحہ  ہر بار نہیں آتا، ڈیبیو صرف ایک بار ہوتا ہے۔

واضح رہے کہ بھارت اور آئرلینڈ  کے درمیان سیریز کا دوسرا میچ کل ڈبلن میں کھیلا جائے گا۔