پاکستان شوبزانڈسٹری سے منسلک حقیقی زندگی کی جوڑی فرحان سعید اور عروا حسین کے حوالے سے یہ خبریں گردش کر رہی ہیں کہ یہ دونوں اب اسکرین پر ساتھ جلوہ گر ہو رہے ہیں۔

اس خبر کے سامنے آتے ہی ان دونوں اسٹارز کے مداحوں میں خوشی کی لہر دوڑ گئی لیکن اب فرحان سعید کا ایک کلپ سوشل میڈیا پر کافی وائرل ہو رہا ہے ، جس کے بعد کئی سوالات اٹھ گئے ہیں۔

اس کلپ میں سنا جا سکتا ہے کہ میزبان نے فرحان سعید سے  اس پروجیکٹ کے حوالے سے سوال کیا تو اداکار نے جواب دیا کہ جی ہاں یہ درست ہے کہ میں اور عروا ڈرامہ سیریل ’میری شہزادی ڈیانا‘ میں کاسٹ کیے گئے ہیں لیکن  ہم دونوں ساتھ کام بھی کرینگے ، میں اس حوالے سے یقین سے کچھ نہیں کہہ سکتا ۔

فرحان سعید نے مزید کہاکہ ڈرامہ سیریل ’میری شہزادی ڈیانا‘ کی کہانی انہیں بہت پسند آئی ہے ، جس کی شوٹنگ کا بھی آغازہو گیا ہے۔