وزیراعظم سے ایم کیو ایم کے وفد کی ملاقات ہوئی ہے جس دوران معاہدے پر عملدرآمد تیز کرنے پر زور دیا ہے۔

تفصیلات کے مطابق دورہ کراچی کے دوران وزیراعظم شہباز شریف سے ایم کیو ایم کے وفد کی ملاقات ہوئی ہے۔

ملاقات کے دوران ایم کیو ایم کی جانب سے حکومت پر کیے جانے والے معاہدے پر عملدرآمد تیز کرنے پر زور دیا گیا ہے۔

اسکے علاوہ ملاقات میں معاہدے پر اب تک ہونے والی پیش رفت کا جائزہ لیا گیا اور ساتھ ہی مردم شماری ، انتخابی اصلاحات سمیت دیگر معاملات پر بھی گفتگو  کی گئی۔

لاقات میں بلدیاتی انتخابات میں انتخابی اتحاد سمیت مستقبل میں ورکنگ ریکیشن پر بھی بات چیت کی گئی۔

اس موقع پر ایم کیو ایم کی جانب سے پیپلز پارٹی کے ساتھ معاہدے کے حوالے سے بطور ضمانتی وزیراعظم سے کردار ادا کرنے کا مطالبہ  کیا گیا ہے۔

دوسری جانب ایم کیو ایم نے وفاق کے تحت جاری منصوبوں خصوصاً کے فور اور ٹرانسپورٹ کے مسائل حل کرنے کی درخواست کی ہے ۔

ملاقات کے دوران وزیراعظم شہباز شریف نے یقین دہانی کرائی ہے کہ شہری سندھ خصوصاً کراچی کے لیے ہر وعدے کو پورا اور وسائل کو بروئے کار لایا جائے گا۔

خیال رہے کہ ایم کیو ایم کے وفد کی سربراہی ڈاکٹر خالد مقبول صدیقی کررہے تھے جبکہ وفد میں کنور نوید جمیل ، وسیم اختر اور وفاقی وزیر امین الحق موجود تھے اور حکومتی وفد میں وفاقی وزیر سعد رفیق بھی موجود تھے۔