معروف مصنف وہدایت کار خلیل الرحمٰن قمر کئی مرتبہ اپنے انٹرویوز میں صف اول کی پاکستانی اداکارہ ماہرہ خان کو اپنے ڈرامے میں کاسٹ کرنے پر پچھتاوے کا اظہارکر چکے ہیں۔

تاہم حال ہی میں اپنی فلم ’قائداعظم زندہ باد‘ کی تشہیری مہم کے دوران دئیے گئے ایک انٹرویو میں ماہرہ خان نے دعویٰ کیا کہ ماضی میں ان کی شاندار اداکاری کی وجہ سے خلیل الرحمٰن قمر ان کے ساتھ مزید منصوبوں پر کام کرنے کے خواہاں تھے۔

انہوں نے بتایاکہ خلیل الرحمٰن قمر نے میری اداکاری دیکھی تو میری بہت تعریف کی تھی اور وہ تو میرے ساتھ مزید کام کرنے کے خواہشمند بھی تھے لیکن وہ چونکہ بولتے ہوئے احتیاط نہیں کرتے انہوں نے کچھ ایسی باتیں کیں، کسی اور کے خلاف تو پھر ایسا ممکن نہ ہو سکا کہ میں ان کے ساتھ کام کر سکوں۔

ماہرہ خان نے مزید بتایا کہ ان کا خلیل الرحمٰن قمر کے ساتھ کام کرنے کا تجربہ بہت اچھا رہا اور وہ آج بھی پیچھے مڑ کر دیکھیں تو انہوں نے جو بھی کیا انہیں اچھا لگتا ہے۔

حال ہی میں خلیل الرحمٰن قمر نے سماجی رابطے کی ویب سائٹ ٹوئٹر پر ماہرہ خان کی جانب سے انسٹاگرام پر شئیر کی گئی ڈرامے صدقے تمہارے کی اسٹوری پر پر اپنا ردعمل دیتے ہوئے کہاکہ انہیں اس بات کا زندگی بھر افسوس رہے گا کہ ماہرہ خان نے ان کی زندگی پر بننے والے ڈرامے میں بطور ہیروئن کام کیا۔

Advertisement

I ll always curse on me for the sin I committed by casting her in a very sacred role in my Sadqay Tumhare pic.twitter.com/vNbNYKWYAb

— Khalil Ur Rehman Qamar (@KrqOfficial) April 27, 2022

واضح رہے کہ اس سے قبل گزشتہ سال بھی جب خلیل صاحب کو ایک پروگرام کے دوران سیگمنٹ میں ماہرہ خان کی تصویر دکھائی گئی تو انہوں نے کہا مجھے زندگی بھرکا غم ہے اس نے میری زندگی کا سیریل کیا اور اس میں یہ ہیروئن تھی اور یہ غم مجھے ہمیشہ رہے گا۔