گورنر پنجاب محمد بلیغ الرحمان نے کہا ہے کہ ماحولیاتی آلودگی پاکستان سمیت پوری دنیا کے لیے ایک چیلنج ہے۔

عالمی یوم ماحولیات پر پیغام دیتے ہوئے گورنر پنجاب محمد بلیغ الرحمان نے کہا کہ ماحولیاتی آلودگی اور گلوبل وارمنگ پاکستان سمیت پوری دنیا کے لیے ایک چیلنج ہے۔

 گورنر پنجاب نے کہا کہ اس چیلنج سے نمٹنے کے لیے مشترکہ کوششوں کی ضرورت ہے، گلوبل وارمنگ کم کرنے کے لیے رینیوایبل انرجی کی طرف جانے کی ضرورت ہے۔

انہوں نے کہا کہ حکومت نے حال ہی میں سولر پینلز پہ سیلز ٹیکس ختم کیا ہے جبکہ یونیورسٹیوں میں بھی  ماحولیاتی تبدیلی پہ تحقیق کی ضرورت ہے۔

گورنر پنجاب کا کہنا تھا کہ جامعات سے ماحولیاتی تبدیلیوں پر  کی گئی تحقیق کی روشنی میں تجاویز طلب کی ہیں، معاشرے میں تمام افراد کو  ماحولیاتی آلودگی کم کرنے میں اپنا کردار ادا کرنا ہو گا۔

انہوں نے مزید کہا کہ شجر کاری سے ماحولیاتی آلودگی کم کی جا سکتی ہے، ہم سب کو اپنی آنے والی نسلوں کے لیے صاف ماحول دینا ہے۔