صوبائی وزیر ناصر حسین شاہ نے کہا ہے کہ عمران خان کو سوائے اقتدار کے کسی قومی مسئلے میں دلچسپی نہیں ہے۔

وزیر بلدیات سید ناصر حسین شاہ نے عمران نیازی کے حوالے سے اپنے ایک بیان میں کہا کہ کل عسکری قیادت نے پارلیمینٹ کو اہم قومی امور پر اعتماد میں لیا لیکن  عمران نیازی نہیں آئے۔

انہوں نے کہا کہ نیشنل سیکیورٹی کے اجلاس میں عمران خان کی غیر موجودگی سے ظاہر ہوتا ہے  کہ انہیں سوائے اقتدار کے کسی قومی مسئلے میں دلچسپی نہیں ہے۔

انہوں نے کہا کہ عمران  نیازی سیاسی عمل کے بجائے  نیوٹرل کی طرف اقتدار حاصل کرنے کیلئے منت سماجت کر رہا ہے۔

ناصر حسین شاہ کا کہنا تھا کہ یہ اتحادیوں کی شرافت ہے کہ عمران نیازی جیل کے بجائے بنی گالا میں بیٹھا ہے۔

ان کا کہنا تھا کہ اتحادی حکومت نے ملک کو معاشی بحران سے نکالنے کیلئے آئی ایم ایف اور چائنہ سے قرضہ لینے میں کامیاب ہوگئی ہے،یہ کامیابی نیازی کو پسند نہیں آئی اس لیے کل انہوں نے سیمینار میں عجیب سی باتیں کیں ہیں۔

اس ملک میں ویسے تو بڑی مسخریاں ہوئی ہیں لیکن عمران نیازی جیسی بڑی سیاسی مسخری کی مثال نہیں ملتی ہے۔