انگلینڈ اور نیوزی لینڈ کے درمیان جاری دوسرے ٹیسٹ کے پانچویں دن کے دوران کیوی فاسٹ بولر ٹرینٹ بولٹ نے طویل ترین فارمیٹ میں انوکھا ریکارڈ توڑ دیا۔

برطانوی میڈیا کے مطابق انگلینڈ اور نیوزی لینڈ کے درمیان جاری دوسرے ٹیسٹ کے پانچویں دن کے دوران کیوی فاسٹ بولر ٹرینٹ بولٹ نے طویل ترین فارمیٹ میں منفرد ریکارڈ توڑ دیا۔

بولٹ اپنی بولنگ کی مہارت کے لیے مشہور ہیں، اب وہ ٹیسٹ میں 11ویں نمبر پر بیٹنگ کرنے والے کھلاڑی کی حیثیت سے سب سے زیادہ رنز بنا چکے ہیں۔

 بولٹ نے دوسری اننگز میں 17 رنز بنائے اور جیک کے طور پر بیٹنگ کرتے ہوئے ان کے رنز کی تعداد 640 تک پہنچ گئی۔

بولٹ نے سری لنکا کے سابق اسپنر مرلی دھرن کو پیچھے چھوڑ دیا، جنہوں نے 11 ویں نمبر پر 623 رنز بنائے تھے۔ بولٹ نے بھی پہلی اننگز میں 16 رنز بنائے تھے۔

بولٹ کو بالآخر جیمز اینڈرسن نے آؤٹ کیا۔

11 ویں نمبر پر بیٹنگ کرتے ہوئے سب سے زیادہ رنز بنانے کا ریکارڈ توڑنے کے بعد بولٹ نے کہا: “میری نظر اس ریکارڈ پر ساڑھے 10 سال سے ہے۔

واضح رہے کہ انگلینڈ اور نیوزی لینڈ کے مابین جاری دوسرا ٹیسٹ دلچسپ مرحلے میں داخل ہو گیا ہے.

انگلینڈ کو میچ جیتنے اور سیریز میں 2-0 کی برتری حاصل کرنے کے لیے مجموعی طور پر 299 رنز درکار ہیں۔