پاکستان شوبز انڈسٹری کی سینئیر نامور اداکارہ اور میزبان ثمینہ پیرزادہ نے موجودہ ملکی حالات کو دیکھتے ہوئے حکومت پر طنز کے تیر چلا دئیے۔

انہوں نے سماجی رابطے کی ویب سائٹ ٹوئٹر پر جاری اپنی ٹوئٹ میں اپنی ذاتی رائے کا اظہار کرتے ہوئے لکھا کہ قرضہ لے لے کر معیشت سنبھالی بھی تو کیا سنبھالی۔

قرضہ لے لے کر معیشت سنبھالی بھی تو کیا سنبھالی

— Samina Peerzada (@SaminaSays) June 23, 2022

ثمینہ پیرزادہ کو لگتا ہے کہ مسلم لیگ ن کی حکومت ملک کی قیادت کرنے کے لیے نااہل ہے۔

ایک اور ٹوئٹ میں ان کا کہنا ہے کہ توڑ دو بھیک کا کٹورا کپتان کو واپس لاوُ پھر دیکھو ہم کیا کرتے ہیں۔

ثمینہ پیرزادہ نے لکھا کہ پیسے کے بغیر کیسے چلے گا کاروبار؟؟؟؟ ظالمو!!!!صاف شفاف انتخابات واحد حل۔ کوئی دھاندلی نہیں۔

توڑ دو بھیک کا کٹورا کپتان کو واپس لاوُ پھر دیکھو ہم کیا کرتے ہیں۔ پیسے کے بغیر کیسے چلے گا کاروبار؟؟؟؟ ظالمو!!!!صاف شفاف انتخابات واحد حل۔ کوئ دھاندلی نہیں

Advertisement

— Samina Peerzada (@SaminaSays) June 13, 2022

ایک اور ٹوئٹ میں ثمینہ پیرزادہ نے  سابق وزیر اعظم عمران خان کو امید کی کرن قرار دیتے ہوئے کہاکہ  اگر آج عمران خان واپس آجاتا ہے تو مجھے یقین ہے پورے پاکستان سے اور پوری دنیا سے پاکستانی اتنا روپیہ جمع کریں گے کہ پاکستان کو ہر مشکل سے نکال سکیں۔

انہوں نے مزید لکھا کہ اتنا بھروسے ہے ہمیں کپتان کی ایمانداری پر۔

اگر آج عمران خان واپس آجاتا ہے تو مجھے یقین ہے پورے پاکستان سے اور پوری دنیا سے پاکستانی اتنا روپیہ جمع کریں گے کہ پاکستان کو ہر مشکل سے نکال سکیں۔ اتنا بھروسے ہے ہمیں کپتان کی ایمانداری پر۔

Advertisement

— Samina Peerzada (@SaminaSays) June 13, 2022

واضح رہے کہ یہ پہلا موقع نہیں بلکہ اکثر ثمینہ پیرزادہ سیاسی اور معاشی حالات پر تبصرہ کرتے نظر آتی ہیں۔