فیصل سبزواری نے کہا ہے کہ سمندری آلودگی پر قابو پانے کے لیے کام کر رہے ہیں۔

وفاقی وزیر میری ٹائم افیئرز فیصل سبزواری نے کراچی چیمبر میں خطاب کرتے ہوئے کہا ہے کہ کراچی چیمبر سے تعلق رکھنے والے بزنس مین نے مجھے وفاقی وزیر بننے کے ایک ماہ بعد رابطہ کیا۔

انہوں نے کہا کہ بزنس کمیونٹی پہلے کہتی تھی کہ شہر سے ایم کیو ایم کمزور ہوگی تو کراچی کا بزنس ترقی کرے گا لیکن کراچی چیمبر والے خود کہہ رہے ہیں کہ آپکی بات ہی نہیں سنی جارہی ہے۔

فیصل سبزواری نے کہا ہے کہ پورٹ قاسم میں کراچی چیمبر کے نمائندے سے متعلق معاملات کو دیکھوں گا، سمندری آلودگی پر قابو پانے کے لیے کام کر رہے ہیں۔