قومی کرکٹ ٹیم کے کپتان بابر اعظم کو انٹرنیشنل کرکٹ کونسل(آئی سی سی) کی جانب سے بڑا اعزاز موصول ہوگیا ہے۔

تفصیلات کے مطابق آئی سی سی نے بابر اعظم کو  آئی سی سی ون ڈے اور ٹی ٹوئنٹی ٹیم آف دی ایئر میں شامل کیا تھا،جس کی کیپ ان کو آج موصول ہوگئی ہے۔

بابر اعظم نے سماجی رابطے کی ویبسائٹ ٹویٹر پر دونون کیپ کے ساتھ اپنی تصویر شیئر کی ہے،جس کے بعد شائقین کرکٹ کی جانب سے انہیں مبارکباد پیش کی جارہی ہے۔

https://twitter.com/babarazam258/status/1537001868571942912?cxt=HHwWgIC9tcvDw9QqAAAA

اس سے قبل بابر اعظم دنیائے کرکٹ کے پہلے بلے باز بنیں جنہوں نے دو بار  لگاتار تین سینچریاں بنائیں۔

یہ بھی پڑھیں: ٹی ٹوئنٹی رینکنگ میں بھی پاکستانی حکمرانی قائم

بابر اعظم نے 89 ون ڈے میچز میں پاکستان کی نمائندگی کی اور 4442 رنز بنائے جس میں 17 سینچریاں اور 19 نصف سینچریاں شامل ہیں۔

انہوں نے  پاکستان کے لئے 74 ٹی ٹوئنٹی میچز کھیلے اور 2686 رنز بنائے جس میں 1 سینچری اور 26 نصف سینچریاں شامل ہیں۔

واضح رہے کہ بابر اعظم آئی سی سی کی ون ڈے اور ٹی ٹوئنٹی رینکنگ میں پہلے نمبر پر براجمان ہیں۔