پاکستان شوبز انڈسٹری کی نامور صف اول کی اداکارہ مہوش حیات بھی ہالی ووڈ ویب سیریز ’مس مارول‘ کا حصہ ہیں۔

سوشل میڈیا پر ’مس مارول‘ میں مہوش حیات کے کردار کی پہلی جھلک کی تصاویر کافی وائرل ہو گئی ہیں۔

اس سے قبل اس بات کی تو تصدیق کی گئی تھی کہ مہوش حیات ‘مس مارول’ میں مختصرمگراہم کردارنبھا رہی ہیں تاہم تاحال اس حوالے سے تفصیلات سامنے نہیں آئیں تھیں۔

ڈزنی پلس پر 22 جون کو نشرکی جانے والی اس سیریزکی تیسری قسط میں مہوش حیات کی انٹری بھی ہوئی ہے، جو کہ فلیش بیک میں کمالہ خان ( مرکزی کردار)  کی دادی عائشہ کا کردار ادا کر رہی ہیں جبکہ حال میں یہ کردارثمینہ احمد نبھارہی ہیں۔

تصاویر دیکھیں:

مہوش حیات نے گزشتہ دنوں انسٹاگرام پر مس مارول کے پریمیئر کی تصاویر اور ویڈیوز شیئر کرتے ہوئے تصدیق کی تھی کہ وہ ’مارول اسٹوڈیو‘ کی ویب سیریز کا حصہ ہیں اور انہوں نے اپنا خواب پورا ہونے پر شکرانے بھی ادا کیے۔

مہوش حیات کی جانب سے پریمیئر کے دوران صحافیوں سے بات کرنے کی ایک مختصر ویڈیو بھی وائرل ہو رہی ہے، جس میں انہوں نے ’مس مارول‘ کی تعریف کی ۔

Mehwish Hayat talks #MsMarvel and representation! pic.twitter.com/ftpCjcvONT

— Ms. Marvel UK⚡️ (@MsMarvelUK) June 3, 2022

انہوں نے بتایا کہ پہلی بار ہالی ووڈ میں پاکستانی کرداروں اور لہجے کو درست اور مثبت انداز میں پیش کیا جا رہا ہے۔

انہوں نے ’مس مارول‘ میں پاکستانی کرداروں کی درست نمائندگی پر بھی مارول ٹیم کی تعریفیں کیں۔

 مس مارول کا ٹریلر