وزیراعظم شہباز شریف کی جانب سے لوڈشیڈنگ کے خاتمے کے لئے اجتماعی کوششوں پر زور دیا گیا ہے۔

تفصیلات کے مطابق آج صبح وزیراعظم نے ملک میں بجلی کی تازہ ترین صورتحال پر بریفنگ کی اور کہا کہ عوام کو درپیش تمام مسائل کے حل کے لئے مل کر کوششیں کرنے پر زور دیا گیا ہے۔

اس دوران وزارت توانائی کے حکام نے ملک میں لوڈ شیڈنگ کی تازہ ترین صورت حال سے آگاہ کیا جبکہ تمام اعداد و شمار کے متعلق بھی آگاہ کیا گیا۔

وزیر اعظم نے بجلی کی طلب اور رسد کے اعدادو شمار طلب کئے، انہوں نے مختلف فیڈرز پر بجلی کی فراہمی کی صورتحال بھی معلوم کی ہے۔

خیال رہے کہ کراچی والوں کیلئے فی یونٹ بجلی 6 روپے 49 پیسے مہنگی کر دی گئی، نیپرا نے بجلی مہنگی ہونے سے متعلق فیصلہ جاری کردیا۔

نیپرا کے فیصلے کے مطابق بجلی اکتوبر سے دسمبر 2021 کی ایڈجسٹمنٹ کے تحت مہنگی ہوئی، حتمی اطلاق وفاقی حکومت سے منظوری کے بعد ہو گا۔

فیصلے میں یہ بھی کہا گیا ہے کہ اپریل سےجون 2021 کی ایڈجسٹمنٹ کےتحت بجلی 1روپے33 پیسےمہنگی ہوگی جبکہ جولائی تا ستمبر 2021 کی ایڈجسٹمنٹ کے تحت فی یونٹ بجلی 95 پیسے سستی کی گئی اور جنوری سے مارچ 2022 ایڈجسٹمنٹ کے تحت فی یونٹ بجلی 47 پیسے سستی ہوگی۔

کے الیکٹرک کیلئے سہ ماہی ایڈجسٹمنٹ کے فیصلوں پر اطلاق وفاقی حکومت سے منظوری کے بعد ہوگا۔