معروف کرکٹ براڈکاسٹر سائمن ڈول کا کہنا ہے کہ کین ولیمسن کو اپنے کیریئر کو طول دینے کے لیے ٹیسٹ کپتانی چھوڑنے پر غور کرنا چاہیے۔

تفصیلات کے مطابق 32 ٹیسٹ میں نیوزی لینڈ کی نمائندگی کرنے والے سائمن  ڈول نے کہا کہ  کین ولیمسن کو صرف وائٹ بال کرکٹ میں نیوزی لینڈ کی قیادت کرنی چاہیے تاکہ ان پر بوجھ کم ہو۔

انہوں نے کہا کہ میں صرف کپتان کین ولیمسن کی لمبی عمر کے بارے میں نہیں جانتا ہوںوہ، بلا شبہ، سر رچرڈ ہیڈلی کے  بعد اب تک کا بہترین کھلاڑی ہے۔

سائمن ڈول نے کہا کہ وہ کرکٹ کو پسند کرنے والا کھلاڑی ہے ، وہ کھیل سے محبت کرتا ہے، کھیل کا مطالعہ کرتا ہے ،میں چاہتا ہوں کہ وہ صرف نیوزی لینڈ کے ون ڈے اور ٹی ٹوئنٹی  کےکپتان  رہیں۔

واضح رہے کہ گزشتہ سال ورلڈ ٹیسٹ چیمپئن شپ جیتنے میں اپنی ٹیم کی قیادت کرنے کے بعد کین  ولیمسن نے صرف دو ٹیسٹ کھیلے ہیں۔

 انڈین پریمیئر لیگ کے اس سیزن میں ولیمسن اپنی فرنچائز سن رائزرس حیدرآباد کے لیے زیادہ رنز نہیں بنا سکے انہوں نے  13 اننگز میں 19.63 کی اوسط سے صرف ایک نصف سنچری بنائی۔