شیخ رشید نے کہا ہے کہ حکومت بھارت سے تجارت کرنا چاہتی ہے۔

سابق وزیر داخلہ شیخ رشید نے بول نیوز سے گفتگو کرتے ہوئے کہا ہے کہ منصوبے کے تحت سارا پروپیگنڈا ہو رہا ہے، عمران خان کی موجودگی میں ماسٹر پلان کامیاب نہیں ہوسکتا۔

انہوں نے کہا کہ میاں منشا نیب زدہ اورٹیکس چور ہیں، میاں منشا اقتدار اور حکمرانوں کے مالشی ہیں، میاں منشا نوازشریف اور شہبازشریف کے انویسٹر ہیں۔

شیخ رشید نے کہا کہ ناموس رسالتﷺ پر پوری دنیا نے آواز اٹھائی، ناموس رسالتﷺ پرفضل الرحمان نے کوئی کال نہیں دی، مولانا فضل الرحمان بھارت میں مندر گئے تھے۔

سابق وزیر داخلہ نے کہا ہے کہ میاں منشا سے برا آدمی میں نے نہیں دیکھا، میں نے ایک دو جگہ میاں منشا سے ہاتھ ملانا گوارا نہیں کیا، میاں منشا نے مجھ سے ملاقات کیلئے سازش کی لیکن کامیاب نہیں ہوئے۔