کھیرا کے اندر بے پناہ فائدے ہوتے ہیں بلکہ اس کے بیجوں میں بھی صحت کا خزانہ چھپا ہوا ہے۔

کھیرے میں وٹامن کے، وٹامن سی، پوٹاشیم، پینٹوتھینک ایسڈ اور کاپر بھرپور مقدار میں موجود ہوتا ہے، یہ سبزی بنیادی طور پر تربوز اور کدو کے خاندان سے تعلق رکھتی ہے اس لئے اس میں ان پھلوں جیسی افادیت ہوتی ہے۔

کھیرے میں پانی بھی کافی مقدار میں ہوتا ہے اس لئے یہ جسم میں پانی کی کمی کو پورا کرتا ہے۔

کچھ لوگوں کو کھیرے کے بجائے اس کے بیج پسند ہوتے ہیں اور کھیرے کے خشک بیج بازار میں بھی آسانی سے مل جاتے ہیں یا پھر گھر میں بھی کھیرا کاٹتے ہوئے الگ کیے جاسکتے ہیں۔

کھیر کے بیج پیٹ کے کیڑے ختم کرنے میں بہت مفید ہیں اس کے علاوہ یہ معدنیات اور وٹامنز سے بھرپور ہوتے ہیں،اس کے بیج تاثیر میں ٹھنڈے ہوتے ہیں اور ان کا ایک فائدہ یہ بھی ہے کہ کھیرے کے بیج سلاد میں اوپر سے چھڑک کر بھی کھائے جاسکتے ہیں۔

اس کے علاوہ سب سے بڑا فائدہ یہ بھی ہے کہ اس کو کاٹ کر براہِ راست چہرے پر ملیں اور تھوڑی دیر خشک ہونے دیں پھر سادے پانی سے چہرہ دھو لیں فالتو چکنائی جذب ہوجائے گی۔

کھیرے کے قتلے پتلے کاٹ کر آنکھوں پر رکھیں تو یہ آنکھوں کو تراوٹ بخشتا ہے اور خون کی روانی بہتر کرکے حلقے کم کرنے میں مدد کرتا ہے جبکہ اس کو کچل کر، ایلو ویرا کا گودا اور تھوڑا عرق گلاب ملا کر چہرے پر لگانے سے جلد کی رنگت نکھرتی ہے، کھیرا سورج سے پڑنے والی سیاہ جلد کو صاف کرتا ہے اور داغ دھبے اور دانے بھی کم کرتا ہے۔