شہباز گل نے کہا ہے کہ کراچی میں عوام کو بدترین لوڈشیڈنگ پر احتجاج کا بنیادی حق نہیں ہے۔

پاکستان تحریک انصاف کے رہنما شہباز گل نے ٹوئٹر پر جاری ایک پیغام میں کہا ہے کہ 30مارچ کوجب پاکستان میں پیٹرول کی قیمت149 روپے لیٹر تھی، اسوقت عالمی منڈی میں 129 ڈالر فی بیرل تھی۔

انہوں نے کہا کہ آج عالمی منڈی میں کم ہوکر 103 ڈالر فی بیرل جبکہ پاکستان میں بڑھ کر234روپے لیٹرہوگئی ہے، عالمی مارکیٹ میں 26 ڈالر فی بیرل کمی جبکہ ملک میں 85 روپے فی لیٹر اضافہ ہوا ہے۔

     شہباز گل نے کہا ہے کہ زرداری ٹولے کے زیر انتظام صوبے اور پاکستان کے معاشی حب کراچی میں عوام کو بدترین لوڈشیڈنگ پر احتجاج کا بنیادی حق بھی نہیں ہے، لاٹھیاں اور بد ترین پولیس تشدد کیا جاتا ہے۔

پاکستان تحریک انصاف کے رہنما نے کہا ہے کہ عوام کی زندگی عذاب کرکے انہیں احتجاج کا بھی حق نہیں اور جمہوریت کا راگ یہ ہے انکی جمہوریت اور جمہوریت بہترین انتقام ہے۔

انہوں نے کہا کہ ساری ن لیگ نے جھوٹ کو نہ جانے ثواب سمجھا ہوا ہے، جھوٹ بولنے، جھوٹ پھیلانے اور عوام کو گمراہ کرنے کا پلیٹ فارم ہے۔

 شہباز گل نے کہا ہے کہ پی ٹی آئی حکومت کے آخری سال میں گنے کی بھرپور فصل پیدا ہوئی کسان کو پورا بلکہ حکومتی ریٹ سے بھی زائد معاوضہ ملا، شوگر انڈسٹری چلی اورآج ضرورت سے زیادہ چینی ملک میں موجود ہے جسے ایکسپورٹ کی درخواست کی جا رہی ہے۔

پاکستان تحریک انصاف کے رہنما نے کہا ہے کہ کسان اور صنعت کار دونوں خوشحال ہیں، انکا ہربیانیہ اللّٰہ نے انکے منہ پر دے مارا ہے، خواجہ آصف کا سمندر پار پاکستانیوں کے خلاف توہین آمیز بیان شرمناک حرکت ہے۔

انہوں نے کہا کہ انکے اپنے سارے لیڈران اس وقت بیرون ملک رہائش پزیر ہیں لیکن کہتے ہیں کہ ایک عام اوورسیز پاکستانی ملک سے وفادار نہیں، آپ ملک لوٹنے والے ہیں وہ بچانے والے ہیں، وہ آپ سے اور آپکے لیڈران سے زیادہ وفادار ہیں۔

30مارچ کوجب پاکستان میں پیٹرول کی قیمت149 روپےلٹر تھی اسوقت عالمی منڈی میں129$ فی بیرل تھی

Advertisement

آج عالمی منڈی میں کم ہوکر $103 فی بیرل جبکہ پاکستان میں بڑھ کر234روپےلٹرہوگئی ہے

عالمی مارکیٹ میں 26$ فی بیرل کمی
ملک میں 85 روپےفی لیٹر اضافہ یہ ہے #سازشیوں_کی_کارکردگی

— Dr. Shahbaz GiLL (@SHABAZGIL) June 28, 2022