عدالت نے خواجہ سرا پرتیزاب پھینکنے کے الزم میں ملزمان کو جسمانی ریمانڈ پرپولیس کے حوالے کر دیا۔

تفصیلات کے مطابق ریس کورس کے علاقہ میں خواجہ سرا پر تیزاب پھینکنے کے معاملے پر ملزم حمزہ سلیم اور سہیل جٹ کو لاہورمیں انسداد دہشت گردی عدالت میں پیش کیا گیا۔

انسداد دہشتگردی عدالت کی ایڈمن جج عبہرگل خان نے کیس کی سماعت کی۔

سماعت کے دوران تفتیشی افسرنے ملزمان کی 20 روزہ جسمانی ریمانڈ کی استدعا کرتے ہوئے مؤقف اپنایا کہ ملزمان سے تیزاب کی بوتل برآمد کرنی ہے۔

https://cdnurdu.bolnews.com/urdu/wp-content/uploads/2022/06/WhatsApp-Video-2022-06-24-at-10.18.12-AM.mp4?_=2

انسداد دہشتگردی عدالت کی ایڈمن جج عبہرگل خان نے ملزمان کو سات روزہ جسمانی ریمانڈ پر پولیس کے حوالے کر دیا۔

ایڈمن جج عبہرگل خان نے ملزمان کو 30 جون کو دوبارہ پیش کرنے کا حکم دیا۔

گرفتار ملزم

تفتیشی افسر کا کہنا ہے کہ ملزمان پر خواجہ سرا پر تیزاب پھنکنے کا الزام ہے۔ ملزمان کے خلاف تھانہ ریس کورس پولیس نے تیزاب گردی کا مقدمہ درج کررکھا ہے۔