قاسم خان سوری نے کہا ہے کہ کرپٹ اور ناہل حکمرانوں نے عوام کا جینا حرام کر دیا۔

سابق ڈپٹی اسپیکر قاسم خان سوری نےاپنے ایک پیغام میں کہا کہ عمران خان کی آواز پر آج ساری قوم یکجا ہے، پاکستان تحریک انصاف آج ملک گیر حقیقی مہنگائی مارچ کرے گی۔

قاسم خان سوری نے کہا کہ حقیقی مہنگائی مارچ صرف ہماری نہیں بلکہ ہمارے آنے والوں نسلوں کے لئے بھی ہے۔

سابق ڈپٹی اسپیکر کا کہنا تھا کہ کرپٹ اور ناہل حکمرانوں نے عوام کا جینا حرام کر دیا، آج کے حقیقی مہنگائی مارچ میں سب لوگ اپنی شرکت یقینی بنائے۔

ان کا یہ بھی کہنا تھا کہ اس امپورٹڈ حکومت سے چھٹکارا اب ضروری ہے، قوم کی بقاء اسی میں ہے کہ جلد از جلد نئے الیکشن کرائے جائے۔

سابق ڈپٹی اسپیکر قاسم خان سوری کا مزید کہنا تھا کہ امپورٹڈ حکومت صرف اپنی جیبیں بھر رہی ہے اور اپنے کیسز ختم کرنے آئی ہے۔