یاسمین راشد نے کہا ہے کہ بلاول بھٹو اگلا مہنگائی مارچ کب کر رہے ہیں؟

پاکستان تحریک انصاف کی رہنما ڈاکٹر یاسمین راشد نے میڈیا سے گفتگو کرتے ہوئے کہا ہے کہ پیٹرول مہنگا ہونے سے اشیائے خوردونوش کی قیمتیں بڑھ جاتی ہیں،

انہوں نے کہا کہ کہاں ہیں شہباز شریف جو کہتے تھے میں مہنگائی ختم کروں گا، بلاول بھٹو سے پوچھنا ہے اگلا مہنگائی مارچ کب کررہے ہیں، عوام صبح شام آپ کو کوس رہے ہیں۔

 یاسمین راشد نے کہا ہے کہ میڈیا نہ ہوتا تو ہمارا بھی ماڈل ٹاؤن کی طرح قتل ہوجاتا، 72 سال میں پہلی بارمجھ پرایف آئی آردرج ہوئی، پیٹرولیم مصنوعات کی قیمتیں بڑھا کرانڈسٹری کو تباہ کر دیا گیا۔

پاکستان تحریک انصاف کی رہنما نے کہا کہ الیکشن کمیشن نے لوٹوں کو ڈی نوٹیفائی کیا ہے، ضمیر بیچنے والوں کو تاحیات نا اہل کردینا چاہیے، عوام صبح شام آپ کو کوس رہے ہیں۔

انہوں نے کہا کہ امپورٹڈ حکومت آئی ایم ایف کے ہاتھ میں کھیل رہی ہے، امپورٹڈ حکومت کو حکم دیا گیا ہے،عوام پر ظلم کرو۔