انگلینڈ ٹیسٹ ٹیم کے کپتان بین اسٹوکس کا کوویڈ ٹیسٹ منفی آنے کے بعد بھی ان کی طبیعت ناساز ہے جس کے باعث وہ اب تک ٹیم کو جوائن نہیں کر سکے۔

تفصیلات کے مطابق انگلینڈ کرکٹ بورڈ(ای سی بی) کے ترجمان نے کہا کہ امید ہے کہ  بین اسٹوکس صحت مند ہو کر اگلے 24 گھنٹوں میں دوبارہ اسکواڈ کو جوائن کرلیں گے۔

انہوں نے کہا کہ اگر ان کا دوبارہ ٹیسٹ کیا گیا تو مثبت نتیجہ آنے کا امکان  ہے جس کی وجہ سے  ہیڈ کوچ برینڈن میک کولم کے لیے انتخاب میں مشکلات پیدا ہوسکتی ہیں۔

انہوں نے کہا کہ بین اسٹوکس نے ابھی تک اپنا نائب کپتان مقرر نہیں کیا ہے، جو روٹ جنہوں نے پانچ سال کے کردار میں رہنے کے بعد اپریل میں کپتانی چھوڑی تھی ایک بار پھر واپس آسکتے ہیں۔

ان کا کہنا تھا کہ نمبر 6 پر اسٹوکس کے کردار نبھانے اور فرنٹ لائن سیون بولر کے طور پر اپنا حصہ ڈالنے کے لیے کوئی واضح آل راؤنڈر متبادل نہیں ہے۔

واضح رہے کہ نیوزی لینڈ اور انگلینڈ کے درمیان ٹیسٹ سیریز کا تیسرا اور آخری میچ 23 جو ن کو کھیلا جائے گا،تاہم انگلینڈ کو سیریز میں 0-2 کی فیصلہ کن برتری حاصل ہے۔