بلوچستان کے نئے مالی سال کا بجٹ آج پیش کیا جائیگا جس کے لئے صوبائی اسمبلی کا اجلاس شام چار بجے ہوگا۔

وزیر مواصلات سردار عبدالرحمان کھیتران شام چار بجے بلوچستان اسمبلی کے اجلاس میں پیش کریں گے۔

اس حوالے سے ذرائع کا کہنا ہے کہ بلوچستان کے آئندہ مالی سال کا بجٹ 6 سو ارب روپے سے زائد کا ہوگا جبکہ جٹ خسارے کا ہوگا جس میں میں ترقیاتی منصوبوں کے لئے ایک سو20 ارب روپے سے زائد مختص کئے جانے کا امکان  ہے۔

غیر ترقیاتی اخراجات کے لیے 360 ارب روپے سے زائد مختص کرنے کی تجویز ہے جبکہ ملازمین کی تنخواہوں میں وفاق کی طرز پر اضافہ کیے جانے کا امکان ہے۔

بجٹ میں بلدیاتی اداروں کے لئے بھی خصوصی گرانٹ مختص کی گئی ہے جبکہ کوئی نیا ٹیکس نہیں لگایا جارہا ہے۔

بجٹ میں تعلیم ، صحت ، امن و امان اور زراعت سمیت تمام شعبوں کو اہمیت دی گئی ہے۔

خیال رہے کہ بجٹ اجلاس سے قبل ساڑھے بارہ بجے صوبائی کابینہ کا اجلاس ہوگا جبکہ کابینہ کے اجلاس میں بجٹ کی منظوری دی جائے گی۔