حکومتی اتحادیوں کے اعتراضات اور تحفظات کے معاملے پر وزیراعظم نے آصف علی زرداری سے مدد مانگ لی ہے۔

وزیراعظم شہباز شریف نے اتحادیون کے ساتھ معاملات کے حل کے لیے سابق صدر آصف زرداری سے مدد مانگ لی ہے۔

وزیراعظم شہباز شریف آج سابق صدر آصف زرداری اور چیئرمین پیپلز پارٹی بلاول بھٹو کے اعزازمیں ظہرانہ دیں گے۔

ظہرانہ وزیراعظم ہاؤس میں دیا جائے گا جس میں ملک کی سیاسی صورتحال پرمشاورت ہوگی۔

 ظہرانے میں پیپلزپارٹی سے متعلق ایم کیوایم کے خدشات پر بات چیت متوقع ہے اسکے علاوہ ایم کیو ایم اور باپ کے تحفظات پر بھی گفتگو ہوگی۔

ظہرانے میں چیئرمین نیب کی تقرری سمیت حکومتی امورپربات چیت بھی کی جائے گی۔

خیال رہے کہ وزیراعظم پیپلز پارٹی سے ایم کیو ایم کے خدشات دور اور ان کے مطالبات ماننے کی درخواست کرینگے۔

وزیراعظم اور آصف زرداری ملاقات کے بعد اتحادیوں کے ساتھ مشترکہ ملاقات بھی چند روز میں ہوگی۔