عدالت نے رکن قومی اسمبلی علی وزیرکی درخواست ضمانت کا فیصلہ28 جون تک مؤخر کردیا۔ 

کراچی میں انسداد دہشت گردی عدالت میں رکن قومی اسمبلی علی وزیر کی درخواست ضمانت ککے معاملے پر سماعت ہوئی۔

عدالت نے علی وزیر کی ضمانت کی درخواست  پردو جون کو فیصلہ محفوظ کیا تھا۔ علی وزیر کے خلاف سندھ میں چار مقدمات درج ہیں۔

سپریم کورٹ اور سندھ ہائی کورٹ نے دو مقدمات میں ان کی ضمانت منظورکررکھی ہے۔

آمدن سے زائد اثاثے بنانے کا ریفرنس

دوسری جانب کراچی کی احتساب عدالت میں آمدن سے زائد اثاثے بنانے سے متعلق کیس میں  اسپیکر سندھ اسمبلی آغا سراج درانی پیش نہیں ہوئے۔

فاضل جج کی رخصتی کے باعث سماعت 8 جولائی تک ملتوی کردی گئی۔

وکیل آغا سراج درانی نے کہا کہ آغا سراج درانی قائم مقام گورنرسندھ ذمے داریاں اں ادا کر رہے ہیں۔  انھیں حاضری سے استثنیٰ حاصل ہے۔

نیب کے مطابق اسپیکرسندھ اسمبلی آغا سراج درانی اور دیگر ملزمان پرآمدن سے زیادہ اثاثے بنانے کا الزام ہے۔