وزیر اعظم شہباز شریف کی جانب سے پنجاب ٹیکسٹ بک بورڈ کی جانب سے کتابوں کی اشاعت میں تاخیر کا نوٹس لے لیا گیا ہے۔

تفصیلات کے مطابق پنجاب ٹیکسٹ بک بورڈ کی جانب سے کتابوں کی اشاعت تاخیر کا شکار ہے جس کا نوٹس لیتے ہوئے وزیراعظم نے رپورٹ طلب کرلی ہے۔

وزیراعظم نے وفاقی وزیر تعلیم رانا تنویر حسین کو معاملے پر فوری کارروائی کرتے ہوئے رپورٹ پیش کرنے کی ہدایات جاری کی ہیں۔

انہوں نے کتابوں کی اشاعت میں تاخیر کی وجہ سے والدین اور طلباء کو درپیش مسائل کو فوری طور پر حل کرنے کی ہدایت کی ہے۔

شہباز شریف نے کہا کہ اس غفلت کے ذمہ داروں کے خلاف سخت کارروائی کی جا رہی ہے تاکہ مستقبل میں ایسا مسئلہ پیدا نہ ہو۔