انگلینڈ کرکٹ ٹیم کے کوچ میتھیو موٹ نے کہا ہے کہ کپتان ایون مورگن نے حال ہی میں فارم اور فٹنس کے لیے جدوجہد کی ہے۔

تفصیلات کے مطابق  میتھیو موٹ نے اپنے ایک بیان میں کہا کہ مورگن ہمیشہ فارم اور میرٹ پر بلے باز کے طور پر منتخب ہونا چاہتا ہے اورجب اسے لگتا ہے کہ ایسا نہیں ہے تو وہ ایک طرف ہٹ جاتے ہیں۔

میتھیو موٹ نے مزید کہا کہ یقینی طور پر اسے نیٹ  میں بلے بازی کرتے ہوئے دیکھ کر  لگتا ہے کہ وہ اچھی پوزیشن میں ہے اور اچھا چل رہا ہے آپ پہلے ہی بتا سکتے ہیں کہ اس گروپ پر اس کا کتنا گہرا اثر ہے۔

واضح رہے کہ مورگن نے دسمبر 2014 میں وائٹ بال سائیڈز کی ذمہ داری سنبھالی، دو سال بعد ٹی  ٹوئنٹی ورلڈ کپ کے فائنل میں انگلینڈ کی رہنمائی کی۔

2019 ورلڈکپ میں انگلینڈ ٹیم ان کی قیادت میں پہلی بار چیمپئین بنی۔