ایئرپورٹس سیکورٹی فورس نے کروڑوں روپے مالیت کی غیر ملکی کرنسی اسمگلنگ کی کوشش ناکام بنادی۔

تفصیلات کے مطابق پشاورایئرپورٹ پر کارروائی میں دبئی جانے والے مسافر سے ایک لاکھ 79 ہزار 100 سعودی ریال ، 6185 یو اے ای درہم اور 1546 ڈالر کیش برآمد کرلئے۔

ترجمان اے ایس ایف کا کہنا ہے کہ پکڑی گئی غیرملکی کرنسی کی پاکستانی روپوں میں مجموعی مالیت ایک کروڑ روپے سے زائد بنتی ہے۔

ترجمان کا یہ بھی کہنا ہے کہ اظہارالحق نامی مسافر نے غیرملکی کرنسی بیگ میں چھپا رکھی تھی، اے ایس ایف کے عملے نے تلاشی کے دوران کرنسی برآمد کر کے منی لانڈرنگ کی کوششں ناکام بنا دی۔

ترجمان اے ایس ایف کا مزید کہنا ہے کہ ملزم کو ابتدائی تفتیش کے بعد برآمد شدہ رقم سمیت مزید کارروائی کے لئے کسٹمز حکام کے حوالے کردیا گیا۔