اسعد محمود نے کہا ہے کہ عوام کی خدمت ہمارا اولین مشن ہے۔

وفاقی وزیر مواصلات اسعد محمود نے اچانک جی پی او راولپنڈی کا دورہ کیا جہاں انہوں نے راولپنڈی جی پی او کے مختلف شعبوں کا دورہ کیا۔

اس موقع پر اسعد محمود نے جی پی او میں موجود عوام کے مسائل سنے اور ان کے فوری حل کے لئے ڈیوٹی پر مامور اہلکاروں کواحکامات جاری کئے۔

وفاقی وزیر نے عملے کو ہدایت دی کہ جی پی او میں آنیوالے شہریوں کو زیادہ سے زیادہ سہولت فراہم کی جائے۔

اسعد محمود نے کہا کہ عوام کی خدمت ہمارا اولین مشن ہے، ملک میں عالمی معیار کی پوسٹل سروسز کی فراہم کی جائیں گی۔

وفاقی وزیر مواصلات اسعد محمود نے مزید کہا کہ محکمہ ڈاک کو نئے خطوط پر عوام کی خدمت کرنا ہوگی۔