پاکستان مسلم لیگ ن کی جانب سے پاکستان تحریک انصاف کے تمام ڈی سیٹ ہونے والے ارکان کو ضمنی انتخابات میں ٹکٹ دینے کا فیصلہ کیا گیا ہے۔

اس حوالے سے ذرائع کا کہنا ہے کہ وزیراعلیٰ پنجاب نے صوبائی وزراء عطاء اللہ تارڑ اور سردار اویس لغاری کو ضمنی انتخابات کی حکمت عملی تیار کرنے کی ہدایت کر دی ہے۔

ذرائع نے بتایا کہ صوبائی وزراء کے ترین گروپ سے رابطے جاری ہیں جبکہ مسلم لیگ ن  نے ضمنی انتخابات کے دوران ترین گروپ کو مکمل حمایت کی یقین دہانی کرائی ہے۔

صوبائی وزراء کا کہنا ہے کہ مشکل کی گھڑی میں ساتھ دینے والوں تنہا نہیں چھوڑیں گے۔

ضمنی انتخابات والے حلقوں میں پاکستان پیپلزپارٹی اور ن لیگ کی مقامی قیادت بھرپور تعاون کریں گی اور ترین گروپ کے کسی امیدوار کے مقابل اپنا امیدوار کھڑا نہیں کریں گے۔

دوسری جانب ترین گروپ نے ن لیگ کی ٹکٹ پر ضمنی انتخابات حصہ لینے پر مشاورت کا آغاز کردیا ہے، حتمی فیصلے سے قبل ترین گروپ وزیر اعلیٰ پنجاب سے ملاقات بھی کرے گا۔