پاکستانی ڈرامہ انڈسٹری کی جانی مانی کامیاب جوڑی حرامانی اور جنید خان جلد ایک ساتھ میوزک ویڈیو میں نظر آئیں گے۔

 اداکارہ حرامانی نا صرف ایک اچھی پرفارمر ہیں بلکہ وہ کئی مرتبہ اپنی آواز کا بھی جادو جگا چکی ہیں، حال ہی میں انہوں نے موسیقی کے پروگرام کشمیر بیٹس میں دوگانے“سواری “ اور“تمنا “ گا کر خوب داد سمیٹی ۔

حرامانی نے انسٹاگرام پر اپنے آنے والی اس میوزک ویڈیو کا پہلا پوسٹر کیا اور کیپشن میں لکھا کہ ’یاداں‘ جلد آرہا ہے۔

تاہم پوسٹر پر درج تفصیلات کے مطابق گانے کی شاعری حسن بادشاہ نے تخلیق کی ہے جبکہ یہ گانا جنید خان اور میڈلاک گیلانی کی مشترکہ پیشکش ہے۔

واضح رہےکہ ڈراموں میں اداکارہ حرامانی اور اداکار جنید خان کی جوڑی ایک ساتھ بے حد پسند کی جا تی ہے۔

یہ جوڑی اب تک کئی ڈراموں میں  ایک دوسرے کے مدمقابل کام کرچکے ہیں، جن میں کشف ، سن یاراں ، محبت نہ کریو، محبتیں چاہتیں ، میرے قریب مت آنا شامل ہیں۔

تاہم یہ پہلا موقع ہے کہ دونوں کسی میوزک وڈیو میں ایک ساتھ جلوہ گر ہورہے ہیں۔