بھارتیہ جانتہ پارٹی (بی جے پی) رہنما نوپور شرما کے گستاخانہ بیان پر پاکستانی شوبز انڈسٹری کے نامور اداکار ومیزبان شان شاہد نے شدید غم و غصے کا اظہار کیا ہے۔

 فلم اسٹار شان شاہد نے سماجی رابطے کی ویب سائٹ ٹوئٹر پر بھارتی رہنما نوپور شرما کی تصویر شیئر کرتے ہوئے صرف ایک لفظ ’لعنت‘ لکھا ہے۔

Laaaaanat 🤮👺🖐🏾🖐🏾🖐🏾 pic.twitter.com/f4qSA4Pj1f

— Shaan Shahid (@mshaanshahid) June 6, 2022

صرف یہی نہیں بلکہ شان نے اس حوالے سے بالی ووڈ کے سپراسٹار مسلم خانز( شاہ رخ خان ، سیف علی خان، سلمان خان اور عامر خان)  کی خاموشی پر بھی سوال اٹھایا ہے۔

شان نے مزید کہا کہ کچھ اداکار اب بھی بی جے پی کے خلاف بولنے کے بجائے خاموش ہیں ، یہ کہتے تھے فنکار کی کوئی سرحد نہیں، سرحد نہیں ہوتی تو شرم تو ہوتی ہے یا وہ بھی بیچ دی؟

Kuch adaakaar ab bhi khamosh Hain 🇮🇳 bjp kai khilaaf bolnay sai .. yae kehtay thai fankaar ki koi sarhad nahi hoti ..bhai sarhad nahi hoti sharm tu hoti hai kai woh bhi baich di ? raise your voice condemn the hateful speech against our PROPHET PBUH..🙏🏼 ……. #banmodisindia

— Shaan Shahid (@mshaanshahid) June 6, 2022

 یہ بھی پڑھیں: فیصل قریشی نے بھی بھارت کا مکمل بائیکاٹ کا مطالبہ کردیا

واضح رہے کہ بی جے پی ترجمان نوپور شرما نے ایک ٹی وی چینل پر اسلام اور پیغمبرِ اسلام حضرت محمدﷺ کی شان اقدس میں گستاخانہ گفتگو کی تھی۔

سوشل میڈیا صارفین کی جانب سے بھی بی جی پے رہنما کے اس اقدام پر کڑی تنقید کی جارہی ہے اور بھارتی میڈیا کی رپورٹس کے مطابق نوپور شرما کی پارٹی رکنیت ختم کردی گئی ہے