بالی ووڈ کے سپر اسٹار اداکار سلمان خان کا نامور گلوکار یو یو ہنی سنگھ کو نظر انداز کرنا مہنگا پڑ گیا۔

میڈیا رپورٹ کے مطابق دی انٹرنیشنل انڈین فلم اکیڈمی ایوارڈ(آئی آئی ایف اے) 2022 میں شرکت کے لیے سلمان خان متحدہ عرب امارات کے دارالحکومت ابوظہبی گئے جہاں منعقدہ ایوارڈ تقریب میں دیگر فلمی اسٹارز اور گلوکار بھی موجود تھے۔

رپورٹ میں بتایا گیا ہے کہ اداکار آئی ائی ایف اے میں ہنی سنگھ سے نامناسب طریقے سے ملے جس پر سوشل میڈیا صارفین نے کہا کہ اداکار کا ملاقات کا یہ طریقہ درست نہیں ہے۔

بعد ازاں ایوارڈ تقریب کے منتظمین نے یو یو ہنی سنگھ کو سلمان خان کے ساتھ خاص نشستوں پر بٹھانا بھی مناسب نہیں سمجھا اور گلوکار کو اداکار کے ساتھ آنے سے روک دیا۔

اس وائرل ویڈیو کو دیکھنے کے بعد سوشل میڈیا صارفین کی جانب سے اداکار سلمان خان پر تنقید کی جارہی ہے۔

ایک صارف نے سلمان خان پر تنقید کرتے ہوئے کہا کہ پہلے میں ان کا مداح ہوا کرتا تھا لیکن گلوکار سے جس انداز میں ملے وہ مناسب نہیں اور اب میں اداکار کو بالکل پسند نہیں کرتا، ان میں ایٹی ٹیوڈ بھرا ہوا ہے۔