حکومت کی جانب سے غیر قانونی امیگریشن اور انسانی اسمگلنگ روکنے اور اس میں ملوث عناصر کیخلاف کارروائی کرنے کرنے کا فیصلہ کیا گیا ہے۔

تفصیلات کے مطابق ترکی کے سفیراحسان مصطفے یرداگل کی وزیرداخلہ رانا ثناءاللہ سے الوداعی ملاقات ہوئی ہے۔

ملاقات کے دوران پاکستان، ترکی دوطرفہ تعلقات سمیت باہمی دلچسپی کے دیگرامورپر بات چیت سمیت پاکستان سے ترکی کیلئے غیر قانونی امیگریشن اورانسانی اسمگلنگ روکنے کے حوالے سے گفتگو کی گئی۔

اس موقع پر وزیرداخلہ نے سفیر کو اپنے ترک ہم منصب سلیمان سوئے لو سے گزشتہ روز ہونے والی بات چیت سے متعلق آگاہ کیا۔

انہوں نے بتایا کہ غیر قانونی امیگریشن اورانسانی اسمگلنگ روکنے اوراس میں ملوث عناصرکیخلاف کارروائی تیز کرنے کرنے کا فیصلہ کیا ہے جس کے لئے ایف آئی اے  نادرا اور ترک امیگریشن ادارے ملکر حکمت عملی طے کر رہے ہیں جبکہ انتظامی اور تکنیکی اقدامات کو حتمی شکل دی جاچکی ہے۔

ان کا کہنا تھا کہ غیرقانونی امیگریشن اورانسانی سمگلنگ کی روک تھام ہمارا مشترکہ ہدف ہے اور پاکستان مکمل تعاون فراہم کریگا۔

وزیر داخلہ نے کہا کہ انسانی اسمگلنگ میں ملوث افراد ملک کا تشخص خراب کرتے ہیں انکے خلاف کارروائی ناگزیر ہے۔

اس موقع پر ترک سفیر نے غیر قانونی امیگریشن اورانسانی اسمگلنگ کے خاتمے سے متعلق پاکستان کے اقدامات قابل تعریف کی اور کہا کہ دونوں ممالک کے درمیان اداروں کی بہتر کوارڈینیشن سے اس کا خاتمہ ممکن ہوجائے گا۔

وزیر داخلہ نے وزیراعظم پاکستان اورانکے وفد کی دورہ ترکی کے دوران بہترین میزبانی پرترک سفیراورحکومت کا شکریہ بھی ادا کیا۔

وزیر داخلہ نے وزیراعظم پاکستان اورانکے وفد کی دورہ ترکی کے دوران بہترین میزبانی پرترک سفیراورحکومت کا شکریہ بھی ادا کیا اور پاکستان رخصتی پر ترک سفیر کیلئے  نیک خواہشات کا اظہار کیا۔

انہوں نے کہا کہ ترکی نے پاکستان کی مشکل ترین حالات میں ہمیشہ مدد کی ہے اس کیلئے انتہائی شکرگزار ہیں اور امید کرتے ہیں کہ وزیراعظم شہباز شریف اور انکے وفدکے رواں مہینے دورہ ترکی کے دوررس نتائج نکلیں گے۔

ترک سفیر کا کہنا تھا کہ صدرطیب اردوان اور وزیراعظم شہباز شریف کی حالیہ دورہ ترکی کے دوران انتہائی مفید ملاقات ہوئی جس سے تجارتی، سیاحتی اور ثقافتی تعلقات میں مزیدوسعت آئے گی ۔

انہوں نے کہا کہ پاکستان اور ترکی کے درمیان سفارتی تعلقات کے 75 سال مکمل ہونے پر بہت خوش ہیں۔

خیال رہے کہ وزیر داخلہ رانا ثناءاللہ نے ترک سفیرکے ذریعے وزیر داخلہ سلیمان سوئے لو کو پاکستان دورے کی باضابطہ دعوت دی۔