محکمہ موسمیات نے صوبہ سندھ کے ساحلی اضلاع میں گرج چمک کے ساتھ بارش کی پیش گوئی کردی۔

محکمہ موسمیات کی جانب سے جاری کردہ بیان  میں کہا گیا ہے کہ ملک کے بیشتر علاقوں میں موسم گرم جبکہ بالائی سندھ اور جنوبی پنجاب میں شدید گرم رہے گا تاہم کشمیر اور صوبہ سندھ کے ساحلی اضلاع میں گرج چمک کے ساتھ بارش کا امکان ہے۔

محکمہ موسمیات کا کہنا ہے کہ اسلام آباد میں دن کے دوران موسم گرم اور مرطوب رہے گا تاہم شام میں تیز ہواؤں اور گرج چمک کے ساتھ بارش ہوسکتی ہے۔

محکمہ موسمیات کے مطابق پنجاب کے بیشترعلاقوں میں موسم گرم اور مرطوب  جبکہ جنوبی و سطی اضلاع میں شدید گرم  رہے گا تاہم شام و رات کے دوران  گوجرانوالہ، سیالکوٹ اورنارووال میں چند مقامات پر تیز ہواؤں اور گرج چمک کے ساتھ بارش کا امکان ہے۔

محکمہ موسمیات کا کہنا ہے کہ خیبرپختونخوا اور بلوچستان کے  بیشترعلاقوں میں موسم گرم اور مرطوب  رہے گا۔

محکمہ موسمیات کا یہ بھی کہنا ہےکہ سندھ کے بیشترعلاقوں میں موسم شدید  گرم اور مرطوب رہے گا تاہم ساحلی علاقوں میں چند مقا مات پر تیز ہواؤں اور گرج چمک کے ساتھ  بارش  کا امکان ہے۔

محکمہ موسمیات کا مزید کہنا ہے کہ گلگت بلتستان میں موسم خشک اور مطلع جزوی ابر ٓلود رہے گا تاہم  کشمیر  میں بعض مقا ما ت پر  تیز ہواؤں اورگرج چمک کے ساتھ بارش کا امکان ہے۔