پاکستان شوبز انڈسٹری کے ورسٹائل سپر اسٹار شان شاہد کی ایکشن سے بھرپور فلم ’ضرار‘ کا ٹریلر بالآخر ریلیز کر دیا گیا ہے۔

ایک منٹ 30 سیکنڈ دورانیے کے ٹریلرمیں دیکھا جا سکتا ہے کہ شان ایک ایسا کردار نبھا رہے ہیں جو دنیا کی منفی قوتوں کا مقابلہ کرنے کے لیے تیار کر رہے ہیں۔

حقیقی خطرات پر مبنی فلم ضرار میں شان بھرپور ایکشن میں دکھائی دیں گے، فلم کی ہدایتکاری کے ساتھ ساتھ کہانی بھی خود شان شاہد نے تحریر کی ہے۔

فلم میں سینئراداکار نیئر اعجاز ، شفقت چیمہ اور ندیم بیگ اہم کردار نبھاتے نظر آئیں گے۔

فلم میں ایک ایسی دنیا کی کہانی پیش کی گئی ہےجہاں جنگ کبھی ختم نہیں ہوتی وہاں شان شاہد  کا کردار ضرار امن کی تلاش میں نظر آیا۔

Advertisement

ZARRAR.. ♥️🧿🎥🤲🏻🇵🇰 pic.twitter.com/moNqX5XIxH

— Shaan Shahid (@mshaanshahid) June 14, 2022

فلم میں اداکار شان شاہد مرکزی کردارادا کر رہے ہیں جبکہ ان کے ہمراہ ماڈل و اداکارہ کرن ملک بھی نظر آئیں گی۔

واضح رہےکہ اس سے قبل سال 2020 میں بھی اس فلم کا ٹیزر سامنے آیا تھا جسے شائقین کا مثبت ردعمل موصول ہوا تھا۔

فلم کی ریلیز کی تاریخ کا تاحال اعلان نہیں کیا گیا۔