کاؤنٹی چیمپئین میں شان مسعود سیزن کی اپنی چوتھی سنچری سے صرف دو رنز کے فاصلے پر آؤٹ ہو گئے لیکن صرف 113 گیندوں پر ان کے شاندار 98 رنز نے ڈربی شائر کو مڈل سیکس کے خلاف سنسنی خیز فتح درج کرانے میں مدد دی۔

تفصیلات کے مطابق مڈل سیکس نے تیسرے دن کا آغاز 117 رنز کی برتری کے ساتھ کیا اور سات وکٹیں باقی تھیں لیکن ڈربی شائر کی جانب سے باؤلنگ کے نظم و ضبط نے مڈل سیکس کو صرف 218 رنز تک محدود کر دیا۔

ڈربی شائر کی جانب سے  لوئیس ریس اور انوج ڈائی نے تین تین وکٹیں حاصل کیں۔

ڈربی شائر نے 219 رنز کے ہدف کا تعاقب کیا تو 49 رنز پران کی 2 قیمتی وکٹیں گرگئیں۔

تاہم، شان مسعود نے قدم بڑھاتے ہوئے ڈربی شائر کو آرام دہ پوزیشن پر پہنچا دیا، انہیں وین میڈسن کے  49 اور لوئس ریس  کے35 رنز نے اچھی مدد کی۔