بھارت اور جنوبی افریقہ کے درمیان جاری ٹی ٹوئنٹی سیریز کے چوتھے میچ میں بھارتی بولرز کی تباہ کن بولنگ کے باعث پروٹیز 87  رنز پر ڈھیر ہوگئے اور 82 رنز سے شکست کا سامنا کرنا پڑا۔

Clinical win for #TeamIndia in Rajkot! 👏 👏

The @RishabhPant17-led unit beat South Africa by 82 runs to level the series 2-2. 🙌 🙌

Scorecard ▶️ https://www.bolnews.com/urdu/latest/2022/06/700726/amp/ #INDvSA | @Paytm pic.twitter.com/fyNIlEOJWl

Advertisement

— BCCI (@BCCI) June 17, 2022

تفصیلات کے مطابق راجکوٹ میں کھیلے گئے اس میچ میں جنوبی افریقہ نے ٹاس جیت کر بھارت کو بیٹنگ کی دعوت دی۔

بھارت نے پہلے کھیلتے ہوئے مقررہ 20 اوورز میں 6 وکٹوں کے نقصان پر 169 رنز بنائے،دنیش کارتھک  نے 27 گیندوں پر 55 رنز کی شاندار اننگ کھیلی،ہاردک پانڈیا 46،ایشان کشن 27 جبکہ کپتان ریشبھ پانٹ نے 17 رنز بنائے۔

جنوبی افریقہ کی جانب سے لنگی نگیڈی نے 2 کھلاڑیوں کو  آؤٹ کیا جبکہ مارکو جینسن،ڈیون پریٹوریس،انرچ نورٹجے اور کیشو مہاراج نے 1،1 وکٹ حاصل کی۔

ہدف کے تعاقب میں جنوبی افریقن ٹیم 87 رنز پر ڈھیر ہوگئی۔

جنوبی افریقہ کی جانب سے وین ڈر ڈوسن 20 رنز بنا کر ٹاپ اسکورر رہے،ڈی کوک 14،مارکو جینسن 12 جبکہ کپتان ٹیمبا بوواما صرف 8 رنز بنا سکے،8 جنوبی افریقن بلے باز  ڈبل فگر میں داخل نہ ہوسکے۔

بھارت کی جانب سے اویش خان نے 18 رنز کے عوض 4 کھلاڑیوں کو پویلین کی راہ دکھائی،یوزویندرا چاہل نے 2 جبکہ ہرشل پٹیل اور ایکسر پٹیل نے 1،1 وکٹ حاصل کی۔

دنیش کارتھک کو 55 رنز کی اننگ کھیلنےپر مین آف دی میچ کا ایوارڈ دیا گیا۔

دونوں ٹیموں کے درمیا ن ٹی ٹوئنٹی سیریز 2-2 سے برابر ہوگئی ہے جبکہ  آخری اور فیصلہ کن ٹی ٹوئنٹی 19 جون کو کھیلا جائے گا۔