سراج الحق نے کہا ہے کہ حکومت کی عوام دشمن پالیسیوں کے خلاف مختلف شہروں میں مظاہرے کریں گے۔

امیر جماعت اسلامی سراج الحق نے کہا ہے کہ مرکز اور صوبوں کا بجٹ ظالمانہ اور عوام دشمن ہے، آئی ایم ایف کی ڈکٹیشن پر تیار کردہ فنانشل ڈاکومنٹ قوم پر ڈرون حملہ ہے۔

انہوں نے کہا کہ تینوں بڑی جماعتیں ملک کو آئی ایم ایف کا غلام بنانے کی ذمہ دار ہیں، سودی بجٹ اور پیٹرول، بجلی، گیس کی قیمتوں میں اضافے کو مسترد کرتے ہیں، 25 جون کو حکومت کے عوام دشمن اقدامات کے خلاف ٹرین مارچ کا آغاز ہو گا۔

سراج الحق نے کہا ہے کہ حکومت کی عوام دشمن پالیسیوں کے خلاف مختلف شہروں میں مظاہرے کریں گے، عوام کو پی ٹی آئی اور پی ڈی ایم کے کھوکھلے نعروں سے نجات دلائیں گے۔

امیر جماعت اسلامی سراج الحق نے کہا ہے کہ جماعت اسلامی حکمرانوں کا اصل چہرہ قوم کے سامنے لائے گی۔