شاہ زین بگٹی نے کہا ہے کہ امریکا پاکستان کو انسدادِ منشیات اور سمگلنگ کی روک تھام کے لئے مختلف ٹیکنالوجییز اور گاڑیاں فراہم کرے گا۔

وفاقی وزیر برائے انسداد منشیات نوابزادہ شازین بگٹی نے امریکی اسسٹنٹ سیکرٹری آف سٹیٹ ٹوڈ ڈی روبنسن اور پاکستان میں امریکی سفیر ڈونلڈ بلوم سے ملاقات کی ہے۔

ملاقات میں انسدادِ منشیات کے حوالے سے باہمی تعاون پر بات چیت ہوئی۔

اس موقع پر وفاقی وزیر برائے انسداد منشیات نے امریکا کی جانب سے انسداد منشیات کی کوششوں کو سراہا۔

شاہ زین بگٹی نے کہا کہ منشیات کی سمگلنگ کو روکنے کیلئے ڈرون ٹیکنالوجی سے بھی مدد لی جائے گی جس کے لیے مقامی کمپنیوں سے بات چیت جاری ہے۔

وفاقی وزیر برائے انسداد منشیات نوابزادہ شازین بگٹی نے مزید کہا کہ امریکا پاکستان کو انسدادِ منشیات اور سمگلنگ کی روک تھام کے لئے مختلف ٹیکنالوجییز اور گاڑیاں فراہم کرے گا۔