صدر مملکت ڈاکٹر عارف علوی کی جانب سے صدر نے پولینڈ کے ساتھ تجارتی، اقتصادی اور عوام کے درمیان تعلقات کو وسعت دینے پر زور دیا گیا ہے۔

تفصیلات صدر مملکت ڈاکٹر عارف علوی سے پولینڈمیں پاکستان کے نامزد سفیرڈاکٹر خالد حسین میمن کی ملاقات ہوئی ہے۔

صدر مملکت ڈاکٹر عارف علوی سے پولینڈمیں پاکستان کے نامزد سفیرڈاکٹر خالد حسین میمن کی ملاقات

پاکستان جمہوریہ پولینڈ کیساتھ تعلقات کوانتہائی قدر کی نگاہ سے دیکھتاہے، صدر مملکت

Advertisement

پاکستان پولینڈ کیساتھ تجارت،معیشت اورعوامی روابط کے شعبوں میں دوطرفہ تعلقات کومزید وسعت دینےکا خواہاں ہے pic.twitter.com/9EHWCpg6xB

— The President of Pakistan (@PresOfPakistan) June 10, 2022

اس دوران ڈاکٹر عارف علوی نے کہا کہ پاکستان جمہوریہ پولینڈ کیساتھ تعلقات کوانتہائی قدر کی نگاہ سے دیکھتا ہے۔

صدر مملکت کا کہنا تھا کہ پاکستان پولینڈ کیساتھ تجارت، معیشت اور عوامی روابط کے شعبوں میں دوطرفہ تعلقات کومزید وسعت دینےکا خواہاں ہے۔

انہوں نے کہا کہ پاکستان میں سیاحوں کی آمد بڑھانے کیلئے نامزد سفیر سیاحت کے شعبے میں موجود مواقع اجاگر کرنے سمیت پاکستان اور پولینڈ کی جامعات کے مابین ادارہ جاتی روابط کے قیام کے لیے کام کریں۔

انہوں نے مزید کہا کہ تعلیم کے شعبے میں دوطرفہ تعلقات مزید مستحکم بنانے سے پاکستانی جامعات کا تعلیمی اور تحقیقی معیار بہتر بنانے میں مدد ملے گی۔

ڈاکٹر عارف علوی نے کہا کہ نامزد سفیر پولینڈ میں پاکستانی افرادی قوت کی تعداد بڑھانے پر بھی کام کریں۔

اس موقع پر صدر مملکت نے نامزد سفیر کو پولینڈ میں پاکستان کے سفیر کے طور پر تقرری پر مبارکباد بھی پیش کی۔