سابق بھارتی کرکٹر آکاش چوپڑا نے ہاردک پانڈیا کی حمایت کی ہے کہ وہ آئندہ  دورہ آئرلینڈ ٹور میں بطور کپتان اچھا کام کریں گے۔

آکاش چوپڑا نے اپنے بیان میں کہا کہ اگرچہ انہوں  نے صرف ایک سیزن میں کپتانی کی ہےمجھے لگتا ہے کہ وہ نوجوان دعویداروں میں سب سے زیادہ سمجھدار کپتان ہیں۔

بھارت آئر لینڈ میں 26 اور 28 جون کو ٹی ٹوئنٹی میچز کھیلے گا۔

دوسری جانب رشبھ پانٹ  اور شریاس ایر کو گزشتہ ہفتے دوبارہ شیڈول ٹیسٹ میں انگلینڈ کے خلاف ٹیسٹ ٹیم میں شامل کیا گیا تھا، اور ٹی ٹوئنٹی  ٹیم میں ان کی جگہ سنجو سیمسن اور سوریہ کمار یادیو نے حاصل کی ہے ۔

ارشدیپ سنگھ اور عمران ملک، جو اس وقت جنوبی افریقہ سیریز کے لیے اسکواڈ میں ہیں، نے بھی دورہ آئرلینڈ کے لیے اپنی جگہ برقرار رکھی ہے۔

رشبھ پانٹ کی غیر موجودگی میں، دنیش کارتک ممکنہ طور پر وکٹ کیپنگ کے فرائض انجام دیں گے، ایشان کشن اور سنجو سیمسن بھی اس کردار کے لیے دستیاب ہیں۔