پاکستانی فلم انڈسٹری کے نامور ہیرو شان شاہد نے موجودہ حکومت کی جانب سے تیسری بار پیٹرولیم مصنوعات کی قیمتوں میں اضافے کے بعد شدید ردعمل کا اظہار کیا ہے۔

فلم اسٹار شان نے سماجی رابطے کی ویب سائٹ ٹوئٹر پر اپنے جذبات کا اظہار کرتے ہوئے لکھا کہ  پیٹرول مہنگا نہیں ہوا بلکہ لوگ سستے ہوگئے ہیں، لوگ سستے تب ہوتے ہیں جب حکمرانوں کے دلوں میں ان پر ظلم کرنے  کا درد اور احساس ختم ہو جائے۔

Petrol mehanga nahi huwa log sastay ho gai hain ..or log sastay tab hotay Hain jab hukmaranoo kai diloon main un per zulm karnay ka dard or unka ehsas khatum ho jai.per phir bhi yeh qaum himat Pakistan ka saath kabhi nahi choray gi ♥️🇵🇰#AyeQaumtujhaySalam @IrshadBhatti336

— Shaan Shahid (@mshaanshahid) June 16, 2022

نامور پاکستانی فلم اسٹارنے مزید لکھا کہ لیکن پھر بھی قوم ہمت اور پاکستان کا ساتھ کبھی نہیں چھوڑے گی۔

واضح رہےکہ اس سے قبل بھی شان شاہد نے  سابق وزیراعظم عمران خان کے نام اپنے پیغام میں انہیں مخاطب کرتے ہوئے کہا کہ عمران خان آپ نے ہمیں کرپٹ افراد سے سوال کرنے کی ہمت دی، آپ نے ہمیں غلامانہ نیند میں سوئی ماضی کی حکومتوں کے خلاف جگایا ،آپ ہمارے دلوں میں رہنے والی امید ہیں۔

فلم اسٹار شان نے پی ٹی آئی کے چئیرمین کے مخالفین پر تنقید کرتے ہوئے مزید کہا کہ وہ آپ سے لڑتے ہوئے یہ نہیں جانتے ہیں کہ ہم سب آپ کے ہیں۔

@ImranKhanPTI u freed us from the fear of raising our voices against the corrupt , u gave us a voice that questions the corrupt .u have awakened us from the slavish sleep of the past dynasties. U r the hope we all carry in our hearts.they fight you not knowing that we are all U. pic.twitter.com/IEFnPdF535

— Shaan Shahid (@mshaanshahid) March 20, 2022