بلوچستان ہائی کورٹ نے کوئٹہ میں بلدیاتی انتخابات کا شیڈول معطل کرنے کا حکم دے دیا۔

تفصیلات کے مطابق بلوچستان ہائی کورٹ نے کوئٹہ میں بلدیاتی انتخابات کے شیڈول سے متعلق سابق کونسلرعبدالکریم لانگو کی درخواست پرسماعت کرتے ہوئے معطل کرنے کا حکم دیا۔

بلوچستان ہائیکورٹ میں درخواست کی سماعت جسٹس کامران ملاخیل اور جسٹس نذیر احمد لانگو نے کی۔

عدالت نے سابق کونسلرعبدالکریم لانگو کی درخواست کی سماعت 6 جولائی تک ملتوی کردی۔

سابق کونسلرعبدالکریم نے درخواست میں کوئٹہ کی حلقہ بندیوں کو چیلنج کیا تھا۔

 واضح رہے کہ الیکشن کمیشن کے شیڈول کے مطابق کوئٹہ میں بلدیاتی انتخابات 28 اگست کو ہونا تھے۔