ہر کھانے کے بعد لونگ کا ایک ٹکڑا چبانے یا منہ میں رکھنے سے کون سے فوائد حاصل ہو تے ہیں، آئیں اس اسٹوری میں جانتے ہیں۔

لونگ کا استعمال صدیوں سے ہوتا چلا آرہا ہے ، کھانوں کے علاوہ اس کا استعمال ادویات  سازی میں بھی کیاجا تاہے۔

طبی ماہرین لونگ کے مختلف فوائد بیان کرتے ہیں، جیسے دانت کے درد میں لونگ کا استعمال مفید ، جسم کا دردختم کرنے کیلئے ، بلغم کا مکمل خاتمہ، پیٹ کی بیماریاں ، قبض کی شکایت سمیت نظام ہضم کی شکایت میں انتہائی مفید قرار دیا جاتا ہے۔

طبی ماہرین نے لونگ کے استعمال کامزید ایک فائدہ بتا یا ہے  اور یہ فائدہ ان افراد کے لئے مفید ہوگا جنہیں تیزابیت کی شکایت ہے۔

ماہرین کا کہنا ہے کہ کسی شے کے استعمال کا زیادہ بہتر فائدہ اس کی مقدار اور مقررہ مخصوص وقت پربہت اثر رکھتا ہے۔

اسی بنیاد پرنئی تحقیق کے بعد تجویز کیا گیا کہ ایسے افراد جنہیں سخت تیزابیت کی شکایت ہے وہ کھانا کھانے کے بعد لونگ کو چوسیں ، اس طرح کرنے سے ان کی یہ کایت دور ہو سکتی ہے۔

طبی ماہرین کے مطابق اس تحقیق کے دوران جو200 سے زائد افراد پر کئے گئے حیرت انگیز فوائد حاصل ہو ئے اور انہوں نے تیزابیت کی شکایت کو بہتر پایا۔