نا معلوم افراد کی جانب سے امیر ٹی ایل پی سعد رضوی کی گاڑی پر لانڈھی نمبر 6 جاتے ہوئے فائرنگ کی گئی جس کے نتیجے میں 3 کارکنان کو گولیاں لگیں۔

تفصیلات کے مطابق حافظ سعد رضوی حلقے این اے 240 کے مختلف پولنگ سٹیشن کا دورہ کر رہے تھے جب انکی گاڑی پر فائرنگ کی گئی۔

تحریک لبیک کے کارکنان کی جانب سے الزام عائد کیا گیا ہے کہ پاک سر زمین پارٹی کے مسلح کارکنان کی جانب سے تحریک لبیک پاکستان کے سربراہ حافظ سعد رضوی کی گاڑی پر فائرنگ کی گئی۔

فائرنگ کے بعد تحریک لبیک کے کارکنان جمع ہوئے جس کے بعد انہوں نے حافظ سعد رضوی کی گاڑی کو بھی گھیرے میں لیا اور انہیں محفوظ مقام پر منتقل کیا۔

واضح رہے کہ تصادم لانڈھی نمبر 6 پر حلقہ این اے 240 میں پولنگ کے دوران ایم کیو ایم، تحریک لبیک اور پاک سرزمین پارٹی کے کارکنان کے درمیان تصادم ہوا ہے جس کے سبب متعدد کارکنان زخمی ہوگئے۔

سیاسی جماعتوں کے درمیان فائرنگ کا تبادلہ بھی ہوا جس کے سبب علاقے میں بھگدڑ مچ گئی اور بازار بند ہوگئے۔